Berkshire Hathaway samsteypan sem stjórnað er af stofnandanum og stærsta eigandanum Warren Buffett hagnaðist um 6,9 milljarða dollara á öðrum ársfjórðungi þessa árs. Hagnaður fyrirtækisins jókst um 67% frá sama ársfjórðungi í fyrra að því er kemur fram í frétt Reuters.

Hagnaður á hlut A-bréfa fyrirtækisins nam 4.190 dollurum sem var töluvert betra hærra en meðaltal greiningaraðila hafði gert ráð fyrir. Gerði meðaltal greiningaraðila ráð fyrir að hagnaður á hlut myndi nema 3.387 dollurum. Handbært fé Berkshire nam 111,1 milljarði dollara í lok fjórðungisns en fjárfestingar námu rétt rúmum 6 milljörðum dollara.

Fjárfestar tóku vel í uppgjör félagsins og hefur hlutabréfaverð þess hækkað um ríflega 3% það sem af er þessum degi.