Hagnaður stærsta eignastýringarfyrirtæki í heimi, BlackRock, jókst um 21% á öðrum ársfjórðungi samanborið við sama tímabil á fyrra ári. Félagið hagnaðist um 1,12 milljarða dollara á fjórðungnum sem gerir 7,85 dollara á hlut.
Ástæða mikillar aukningar í hagnaði er helst rakin til aukningu hjá fjárfestum í skuldabréfasjóði félagsins auk meiri fjármagns í reiðufjárstjórnun hjá BlackRock. Félagið fékk um 60 milljarða dollara til sín í skuldabréfastýringu á fjórðungnum og um 24 milljarða nettó í reiðufjárstjórnun. Frá þessu er greint á vef Reuters.
BlackRock endar fjórðunginn með um 7,32 billjón dollara í sjóðstýringu sem er 7% aukning milli ára. Til samanburðar er landsframleiðsla Þýskalands árið 2018 tæplega 4 billjón dollarar. Markaðsvirði félagsins er um 86 milljarðar dollara en um 16 þúsund starfa hjá félaginu.
