Capacent hagnaðist um 41,6 milljónir króna í fyrra, sem er næstum því tíu sinnum meira en árið áður. EBITDA fyrirtækisins dróst lítillega saman milli ára en afskriftir voru minni en árið áður og afkoma dóttur- og hlutdeildarfélaga betri.
Eignir Capacent námu 241 milljón króna í lok síðasta árs, en eigið féð 57 milljónum og var arðsemi eigin fjár 71%. Ingvi Þór Elliðason er framkvæmdastjóri Capacent og jafnframt stærsti einstaki eigandinn með 22,6% eignarhlut.
