Fiskvinnsluvélaframleiðandinn Curio hagnaðist um 146 milljónir króna á síðasta ári og dróst hagnaðurinn saman um 35 milljónir króna. Tekjur félagsins námu ríflega einum milljarði króna, samanborið við tæplega 1,2 milljarða árið áður.
Eignir námu 1,6 milljörðum króna í árslok 2020 og eigið fé ríflega einum milljarði króna.
Curio var stofnað árið 2008 af framkvæmdastjóranum Elliða Hreinssyni en fyrir um tveimur árum keypti Marel helmingshlut í fyrirtækinu.
