Dalsnes, móðurfélag Innness, Vínness og fleiri félaga, hagnaðist um 20 milljónir króna á síðasta ári og dróst hagnaðurinn verulega saman frá fyrra ári er hann nam ríflega hálfum milljarði króna.
Tekjur félagsins námu ríflega 13 milljörðum króna og jukust lítillega frá fyrra ári. Eignir félagsins námu 25 milljörðum króna í lok síðasta árs, skuldir 12,8 milljörðum og eigið fé 12 milljörðum króna. Ólafur Björnsson er eigandi og framkvæmdastjóri Dalsness.
