Hagnaður hugbúnaðarfyrirtækisins App Dynamic nam 6 milljónum króna á árinu 2018 og dróst saman um 61 milljón á milli ára.
Tekjur félagsins námu 209 milljónum og lækkuðu lítillega á milli ára en launakostnaður jókst um 37 milljónir milli ára í 129 milljónir.
Rekstrarhagnaður (EBIT) nam 25 milljónum króna og dróst saman um 53 milljónir milli ára. Eiginfjárhlutfall var 42% í lok ársins og hækkaði um 3,7 prósentustig á milli ára.
