Hagnaður bandaríska bílaframleiðandans Ford lækkaði um 8% milli ára á öðrum ársfjórðungi.
Í tilkynningu frá fyrirtækinu segir að ástæðan sé aukin vöruþróun á nýjum gerðum bíla og hærra verð á hrávöru, sérstaklega stáli og plasti.
Eftirspurn eftir bílum fyrirtækisins minnkaði bæðí í Norður Ameríku og í Evrópu milli fyrsta og annars ársfjórðungs. Fyrirtækið segir söluminnkunina litla og stafi af ótta við skuldavanda Bandaríkjanna og landa í Evrópu.
Fyrirtækið segir markaðshlutdeild sína hafa aukist á ársfjórðungnum og hún sé 13,9% í Bandaríkjunum og 8,4% í Evrópu.