Hagnaður Hampiðjunnar fyrir fjármagnsliði, skatta og afskriftir (EBITDA) nam 14 milljónum evra á fyrri hluta árs, andvirði 2.274 milljónir króna. EBITDA félagsins nam 11,9 milljónum evra á sama tímabili fyrra árs og jókst því um 17,5%. Þetta kemur fram í drögum félagsins að árshlutauppgjöri.
Hagnaður félagsins jókst um 23% milli tímabila, úr 6,4 milljónum evra í 7,9 milljónir, andvirði 1.283 milljónir króna. Sala Hampiðjunnar dróst saman um 5,5% á milli tímabila og nam 80,6 milljónum evra, um 13,1 milljarð króna.
Sjá einnig: Hampiðjan hagnast um 888 milljónir
Uppgjör fyrir fyrri árshelming er enn í vinnslu og getur tekið breytingum. Það verður birt þann 26. ágúst næstkomandi.
