Hamborgarabúllan hagnaðist um 2,4 milljónir í fyrra. Þetta er breyting frá árinu 2011 þegar fyrirtækið skilaði tapi upp á 1,8 milljónir króna.

Fram kemur í ársreikingi að langtímaskuldir fyrirtækisins lækkuðu úr 36,8 milljónum í 30,4 milljónir. Vaxtagjöld og verðbætur lækkuðu samhliða um tæpar 2 milljónir og námu 5,2 milljónum í lok síðasta árs. Viðskiptakröfur hækkuðu úr 6,8 milljónum í 20 milljónir og viðskiptaskuldir hækkuðu jafnframt úr 7,1 milljón í 19,5 milljónir. Eigið fé fyrirtækisins hækkaði milli ára og nam 61,5 milljónum króna miðað við rúmar 59 milljónir árið 2011.

Hamborgarabúllan er í mikilli útrás. Tommis’s Burger Joint, eins og Hamborgarabúllan heitir í London, opnaði í fyrra og mun nýr staður opna í Berlín í næsta mánuði. Í Reykjavík eru þegar fimm staðir. Tómas Tómasson, stofnandi Hamborgarabúllunnar, segir að á staðnum í Berlín verði 40 sæti sem er svipað og hér.

Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér .