Hagnaður lyfjafyrirtækisins Icepharma nam 188,8 milljónum króna í fyrra, samanborið við 146,8 milljóna króna hagnað árið 2012. Velta jókst um rúmar 400 milljónir króna og nam 8,1 milljarði og rekstrarhagnaður jókst úr 177 milljónum króna árið 2012 í 233,9 milljónir í fyrra.
Eignir félagsins námu um síðustu áramót 857,2 milljónum króna, skuldir voru 442,7 milljónir og eigið fé því 414,5 milljónir króna. Handbært fé til rekstrar nam 96 milljónum króna í fyrra, en árið 2012 nam eigið fé frá rekstri 131,5 milljónum króna.
Margrét Guðmundsdóttir er forstjóri Icepharma.
