Þjónustufyrirtækið Já hagnaðist um 112,8 milljónir króna á síðasta rekstrarári, samanborið við 100,8 milljónir króna árið áður.

Rekstrarhagnaður félagsins nam 161,7 milljónum og eignir námu um einum milljarði króna. Eiginfjárhlutfall var 42,7% í árslok 2017.

Félagið greiddi 200 milljónir króna í arð til hluthafa sinna á árinu 2017. Já er nánast eingöngu í eigu Eignarhaldsfélagsins Njálu sem á 99,9% hlut í félaginu.