Veitingafyrirtækið Múlakaffi ehf. hagnaðist um 138 milljónir króna árið 2016 en hagnaðurinn nam 35 milljónum árið 2015. Hagnaður félagsins fjórfaldaðist því á milli ára. Skýrist hagnaðaraukningin að miklum hluta af söluhagnaði hlutabréfa sem nam 101 milljón. Sala nam 2.157 milljónum á árinu 2016.
Eignir samstæðunnar námu 1.056 milljónum í lok árs og langtímaskuldir námu 183 milljónum króna. Eiginfjárhlutfall Múlakaffis í lok árs var 37,1%. Fyrirtækið sem var stofnað árið 1962 er að fullu í eigu Jóhannesar Stefánssonar.
