Viðskiptaráð Íslands segir í stöðuuppfærslu á Facebook síðu sinni að fall flugfélagsins Wow air, sem sigldi í gjaldþrot í gær, sé skólabókardæmi um afleiðingar þess þegar fyrirtæki skila ekki hagnaði: Forsendur rekstursins bresti, fólk missi vinnuna og allir tapi. Hagnaður og arðgreiðslur séu góðar fyrir samfélagið og grunnfosenda atvinnurekstrar.

Setur Viðskiptaráð þetta í samhengi við opinbera umræðu um hagnað og arðgreiðslur, sem beri oft þann beiska keim að hagnaður og arðgreiðslur séu af hinu illa og skerði hag launafólks og jafnvel samfélagsins alls. Þá bendir ráðið á að Wow air hafi beint og óbeint skapað fjölda starfa en því miður hafi fyrirtækið skilað tapi flest starfsár sín í brigðulu starfsumhverfi.

Stöðuuppfærslu Viðskiptaráðs má sjá hér að neðan: