Hagnaður samlokuframleiðslufyrirtækisins Sóma nam 199 milljónum króna á síðasta ári en hagnaður félagsins jókst um rúmlega 20 milljónir króna milli ára. Þetta kemur fram í Fréttablaðinu .
Rekstrartekjur Sóma voru rétt rúmlega 2 milljarðar en þær jukust um 6% frá fyrra ári.
Rekstrargjöldin jukust um 120 milljónir króna milli ára en þau námu um 1,8 milljörðum króna á síðasta ári.
Eignir Sóma voru 936 milljónir króna í lok síðasta árs en eigið fé félagsins nam 444 milljónum króna.
Að meðaltali voru starfsmenn fyrirtækisins á síðasta ári 88 talsins samanborið við 78 starfsmenn árið áður.