Á fyrsta ársfjórðungi ársins jókst samanlagður hagnaður Arion banka, Íslandsbanka og Landsbankans um 72% á milli ára. Hagnaður nam alls 26,7 milljörðum króna samanborið við 15,5 milljarða króna á sama tíma í fyrra. Þessu greinir mbl.is frá.
Eins og VB.is greindi frá einkenndist hagnaður Arion banka, sem nam 14,9 milljörðum króna, mjög af einskiptisliðum og því ber ap halda til haga. Hagnaður bankans af reglulegri starfsemi nam fjórum milljörðum króna á fyrsta ársfjórðungi samanborið við 1,7 milljarða á sama tímabili í fyrra.
Hagnaður Íslandsbanka af reglulegri starfsemi var sá sami og í fyrra, eða 4,4 milljarðar. En heildarhagnaður bankans dróst saman um tæpa þrjá milljarða.