Vélsmiðjan Héðinn hagnaðist um 220 milljónir króna á síðasta rekstrarári, samanborið við 70 milljóna króna hagnað árið áður. Því rúmlega þrefaldaðist hagnaður félagsins á milli ára. Eignir námu tæplega 1,9 milljörðum króna og eigið fé félagsins nam 1,3 milljörðum króna.

Laun og launatengd gjöld námu tæplega 1,3 milljörðum króna en að meðaltali störfuðu 107 manns hjá fyrirtækinu í fyrra. Ragnar Sverrisson er framkvæmdastjóri félagsins.