Hagnaður þýska bílaframleiðandans Volkswagen var 4,67 milljarðar evra í 2. ársfjórðungi. Á sama tímabili í fyrra nam hagnaðurinn 1,25 milljarði evra. Hagnaður þrefaldaðist því á milli ára.
VW, sem selur flesta bíla allra framleiðanda í Evrópu, mun kynna margar nýjar gerðir af bílum á seinni hluta ársins.
Þrátt fyrir gott uppgjör lækkaði gengi félagins í dag um 3,3% í kauphöllinni í Frankfurt. Um tíma var lækkunin tæp 6%. Er það vegna orða forsvarsmanna VW að blikur séu á lofti í efnahagslífinu.