Hagnast um 1,3 milljarða

Bílaumboðið Askja hagnaðist um 1,3 milljarða króna á síðasta ári samanborið við 755 milljóna hagnað árið áður.

Velta félagsins jókst um 15% á milli ára og nam 22,6 milljörðum króna. Þá nam eigið fé félagins 3,2 milljörðum króna í lok árs.

Félagið er viðurkenndur sölu- og þjónustuaðili Mercedes-Benz, Kia og Honda á Íslandi, en þar störfuðu 158 starfsmenn að meðaltali á árinu.

Stjórn félagsins hefur lagt til að greiddur verði allt að 600 milljón króna arður til hluthafa vegna rekstrarársins 2022.