Internet á Íslandi hf., sem sér m.a. um skráningu léna og reksturinn á nafnaþjónustunni fyrir höfuðlénið .is, skilaði 91,9 milljóna króna hagnaði í fyrra, samkvæmt ársreikningi. Hagnaður ársins 2013 nam 74,7 milljónum króna. Rekstrarhagnaður fyrir afskriftir og fjármagnsliði jókst um 20 milljónir milli ára og nam 144,8 milljónum króna.
Eignir námu í árslok 369,8 milljónum og jukust um 36,3 milljónir milli ára. Skuldir námu í árslok 186 milljónum, en voru 178,4 milljónir árið áður. Eigið fé var því um síðustu áramót 161,9 milljónir króna. Jens Pétur Jensen, er framkvæmdastjóri fyrirtækisins.
© Aðsend mynd (AÐSEND)
Jens Pétur Jensen, framkvæmdastjóri Internets á Íslandi hf.
