Hagnaður Icebank 2007 nam 1.720 milljónum króna fyrir skatta samanborið við 6.840 milljónir króna árið á undan að því er kemur fram í frétt félagsins.

Hagnaður eftir skatta nam 1.616 milljónum króna og arðsemi eigin fjár eftir skatta var 13,5%. Hreinar vaxtatekjur jukust um 87% á árinu, námu 2.341 milljónum króna. Heildareignir Icebank nær þrefölduðust og voru 252,5 milljarðar króna í árslok. Eiginfjárhlutfall (CAD) í árslok var 11,0%.