Hagvöxtur í Bandaríkjunum öðrum ársfjórðungi reyndist minni en spár höfðu gert ráð fyrir. Útlit er nú fyrir að hann verði um 6,5% á árinu en spár höfðu gert ráð fyrir 8,5%.
Hagtölur á fyrsta fjórðungi sýndu 6,3% vöxt og áttu margir von á því að tilslakanir í sóttvörnum myndu ýta undir frekari vöxt. Það hefur aftur á móti gerst hægar en von var á og er hökti í birgðakeðju og framleiðslu kennt um.
Þá hefur verðbólga verið að gera vart við sig vestanhafs en hún mælist nú 6,4% og hefur hækkað talsvert síðustu mánuði.
Hagfræðingar sem Financial Times ræddu við voru ekki sammála um við hverju ætti að búast á síðari helmingi ársins. Helstu óvissuþættirnir væru nýjar tegundir veirunnar og óvissa sem henni fylgir.