Tölvuhakkarar hafa nýlega sótt gegn vinsælum tölvuleikjaþjónustum á borð við Playstation Network hjá Sony, X Box hjá Microsoft og League of Legends sem er vinsæll PC fjölspilunarleikur.
Meðal þess sem hakkararnir hafa gert er að ofhlaða vefþjóna til að hægja á spilun fyrir notendur. Hópur hakkara sem kalla sig „Lizard Squad“ hefur lýst einhverjum árásunum á hendur sér en hann er einnig tengdur við sprengjuhótun á flugvél þar sem forstjóri Sony í Bandaríkjunum var innanborðs.
Hvorki Sony né Bandaríska alríkislögreglan hafa tengt sprengjuhótunina og netárásirnar formlega saman.
