*

mánudagur, 25. janúar 2021
Erlent 8. nóvember 2020 11:01

Halda sínu striki í arðgreiðslum

Saudi Aramco ætlar áfram að greiða háan arð þrátt fyrir að hagnaður félagsins hafi dregist saman vegna lækkandi olíuverðs.

Ritstjórn
epa

Saudi Aramco, stærsti olíuframleiðandi heims, ætlar að halda sínu striki og halda áfram að greiða 18,75 milljarða dollara arð til eigenda sinna í lok hvers ársfjórðungs, þrátt fyrir að hagnaður félagsins hafi dregist töluvert saman vegna lækkandi olíuverðs. WSJ greinir frá.

COVID-19 faraldurinn hefur haft dregið allverulega úr eftirspurn eftir olíu á heimsvísu og hefur það líkt og gefur að skilja valdið lækkandi verði. Verðstríð milli Rússa og Sádí-Araba bætti svo gráu ofan á svart.

Frjálst sjóðstreymi félagsins nam 12,4 milljörðum á síðasta ársfjórðungi sem er nokkuð lægri fjárhæð en sem arðgreiðslan nemur, en Aramco hefur ekki gefið upp hvernig þetta bil verði brúað.