„Úlan Bator hefur alltaf togað í mig. En þetta er engin heimsborg, í raun er frekar ljót sovésk ára yfir henni. En menningin er heillandi,“ segir Halldór Friðrik Þorsteinsson, stjórnarformaður og helsti eigandi H.F. Verðbréfa. Breytingar á högum hans í fyrra urðu til þess að hann ákvað að leggja upp í heimshornaflakk í hálft ár.
Halldór hóf heimshornaflakk sitt í Eystrasaltslöndunum í ágúst. Þaðan hélt hann til Moskvu og fór með Síberíulestinni í gegnum Mongólíu til Peking í Kína. Þaðan hefur hann farið til fjölda Asíulanda, þar á meðal til Japan. Á þriðjudag fór Halldór frá Ástralíu yfir til Nýja-Sjálands og ætlar hann að vera þar á þriðju viku. Að því loknu ætlar hann með lest þvert yfir Bandaríkin áður en hann snýr aftur heim í mars.
Halldór segir ekki erfitt að skipuleggja heimshornaflakk. Það sé vel þess virði og líti hann á ferðina sem fjárfestingu. „Eitt er víst: Enginn kemur samur úr svona ferð,“ segir hann.
Nánar er fjallað um heimshornaflakk Halldórs í Viðskiptablaðinu sem kemur út í fyrramálið.
Meðal annars efnis í Viðskiptablaðinu á morgun er:
- Íslensk listaverð seld fyrir milljarða
- Framkvæmdastjórar hjá Landsbankanum með hærri laun en bankastjórinn
- Skuldir Árborgar lækka hratt
- Stækkun Leifsstöðvar er dýrari en Vaðlaheiðargöng
- Ríkisendurskoðandi gagnrýnir framsal á valdi Alþingis
- SpKef safnaði innlánum á undanþágu eftir hrun
- Ákæruvaldið fær á sig ákúrur vegna seinagangs
- Skuldakreppan rædd í Sviss
- Sigurður Harðarson skrifar um arðsemi Kárahnjúkavirkjunar
- Hver er Jón Gunnar Jónsson forstjóri Bankasýslunnar?
- Óðinn fjallar um gagnrýna hugsun
- Allt um stangveiði sumarsins og ferðalög
- Huginn og Muninn eru á sínum stað ásamt Tý sem fjallar um ÁTVR
- Myndasíður, umræður og pistlar og margt, margt fleira...