Halldór Halldórsson, fyrrverandi borgarfulltrúi í Reykjavík, hefur verið ráðinn forstjóri Íslenska kalkþörungafélagsins ehf., sem er í eigu írska félagsins Marigot.
Halldór var borgarfulltrúi og oddviti Sjálfstæðisflokksins í Reykjavík frá 2014 þar til að nýloknum sveitarstjórnarkosningum. Halldór hefur verið formaður Sambands íslenskra sveitarfélaga frá árinu 2006. Hann lauk MBA prófi frá Háskóla Íslands auk MS gráðu í mannauðsstjórnun.
Íslenska kalkþörungafélagið rekur kalkþörungaverksmiðju á Bíldudal, Ískalk.