Nær helmingur þeirra sem ætla sér að kjósa Framsóknarflokkinn í komandi kosningum myndi kjósa Sjálfstæðisflokkinn ef Hanna Birna Kristjánsdóttir væri formaður flokksins og leiddi hann í gegnum Alþingiskosningar.
Þetta kemur fram í könnun sem MMR vann fyrir Viðskiptablaðið. Þátttakendur í könnuninni voru meðal annars spurðir að því hvort þeir myndu kjósa Sjálfstæðisflokkinn ef Hanna Birna yrði formaður flokksins og leiddi hann í komandi kosningum. Um 44% þeirra sem lýsa yfir stuðningi við Framsóknarflokkinn svara spurningunni játandi, þar af sögðu um 19% "já, örugglega" og um 25% "já, líklega".
Framsóknarflokkurinn mældist með um 30% fylgi í könnun MMR í vikunni þannig að Hanna Birna myndi, sem formaður Sjálfstæðisflokksins, sækja nokkuð fylgi til Framsóknarflokksins. Í Viðskiptablaðinu á morgun er ítarlega fjallað um hvaða stuðningsmenn annarra flokka myndu örugglega eða líklega kjósa Sjálfstæðisflokkinn leiddan af Hönnu Birnu.
Í könnun MMR fyrir Viðskiptablaðið er einnig spurt um traust almennings til einstakra forystumanna flokkanna. Nánar er fjallað um könnunina í Viðskiptablaðinu sem kemur út í fyrramálið.
Á meðal annars efnis í blaðinu er:
- Átök um stjórnarsæti í Vodafone
- TM ætlar að greiða að lágmarki helming hagnaðar í arð
- Meniga tífaldaði veltuna á einu ári
- Sveitarfélög þurfa 4,7 milljarða
- Sjómenn vantöldu tekjur sínar
- Íbúðalánasjóður daðrar við danska íbúðakerfið
- Flókið að fá leyfi fyrir heimagistingu
- Bygging leiguíbúða í biðstöðu vegna velferðarráðherra
- Fríverslunarsamningur við Kína undirritaðir í næstu viku
- Vaxtagreiðslur nema 700 milljörðum króna á tíu árum
- Allt í hnút í Al Thani-málinu
- Vilhjálmur Egilsson ræðir m.a. um starfslokin hjá SA og stjórnmálaferilinn í ítarlegu viðtali
- Allt um fyrsta rafbílinn sem framleiðir eigin orku
- Ný bók um lágkolvetnisfæði vekur mikla athygli
- Heilsukokkurinn Ebba Guðný á leiðinni með matar-app
- Nærmynd af Guðrúnu Blöndal, sem situr í stjórn Framtakssjóðsins
- Óðinn skrifar um hættuna skuldavanda Framsóknar
- Huginn & Muninn eru á sínum stað auk Týs sem að þessu sinni skrifar um Járnfrúnna Thatcher
- Þá eru í blaðinu myndasíður, pistlar og margt, margt fleira