Veitingastaðurinn Hard Rock mun opna í Iðu við Lækjargötu eftir áramót. Þetta kemur fram í frétt mbl.is um málið en þar segir að bókaversluninni Iðu sem hefur verið starfrækt í húsnæðinu verður lokað um áramótin.
Afsláttur verður á öllum vörum Iðu fram til áramóta og að sögn framkvæmdastjóra verslunarinnar fara nokkrir dagar á nýju ári í að rýma húsnæðið.
Iða var með leigusamning til sex ára í húsinu en Hard Rock keypti bókaverslunina út úr samningnum. Fyrr á árinu tryggði Birgir Þór Bieltvedt, einn eigenda Domino´s sér leyfi fyrir staðnum hér á landi.