443 milljón króna tap var á rekstri Hörpu tónlistar- og ráðstefnuhúss ohf. í fyrra. Rekstrartekjur Hörpu námu 1.236 milljónum en rekstrargjöld námu 1.349 milljónum. Rekstrarafkoma Hörpu fyrir afskriftir og fjármagnsliði (EBITDA) var því neikvæð um 113 milljónir. Afskriftir og fjármagnsgjöld námu samtals 1,4 milljarði króna, en á móti kemur 1,1 milljarðs króna framlag ríkis og borgar vegna fjármögnunar hússins.

Afkoma Hörpu er betri en árið á undan þegar 548 milljón króna tap var á rekstrinum. Þar munar mestu um dóm Hæstaréttar sem lækkaði fasteignagjöld Hörpu verulega. Dómurinn hafði jákvæð áhrif á afkomu Hörpu sem nemur 242 milljónum í fyrra. Að auki á Harpa von á endurgreiðslu vegna ofgreidda fasteignagjalda síðustu árin. Í ársreikningi Hörpu er endurgreiðslan áætluð að minnsta kosti 950 milljónir ásamt vöxtum.

Nánar er fjallað um málið í Viðskiptablaðinu sem kemur út á morgun. Meðal annars efnis í blaðinu er:

  • Því er spáð að eftir áratug verði meirihluti nýrra bíla rafknúnir.
  • Thorsil vonast til að ljúka fjármögnun í sumar.
  • Veðmál Warren Buffett við vogunarsjóðinn Protégé Partners er komið átta ár á leið.
  • Snertilaus greiðslukort eru framtíðin og keppast bankar um kynna þau fyrir viðskiptavinum sínum.
  • Reglur um yfirdrátt ríkisstofnana eru enn brotnar.
  • Eintak af bók Seth Klarman um fjárfestingar kostar litlar 200 þúsund krónur.
  • Nýr Mercedes Benz E-Class er tæknivædd lúxuskerra.
  • Svipmynd af Nótt Thorberg, framkvæmdastjóra Marel á Íslandi.
  • Ítarlegt viðtal við Hálfdán Óskarsson, framkvæmdastjóra mjólkurvinnslunnar Örnu.
  • Huginn og Muninn eru á sínum stað auk Týs sem fjallar um hægrimennsku Guðna Th.
  • Óðinn fjallar um þjóðaratkvæðagreiðslu Breta um Evrópusambandið.