„Lögregla var kölluð til vegna samkvæmis í sal í útleigu í miðbæ Reykjavíkur. Veitingarekstur er í salnum í flokki II og ætti því að vera lokaður á þessum tíma. Í ljós kom að 40-50 gestir voru samankomnir í salnum, þar á meðal einn háttvirtur ráðherra í ríkisstjórn Íslands,“ segir í dagbók lögreglunnar á höfuðborgarsvæðinu en gleðskapurinn var stöðvaður á ellefta tímanum í gærkvöldi.
Framan af morgni var ekki vitað hvaða ráðherra var í boðinu en í laust fyrir klukkan tíu greindu Vísir og Fréttablaðið frá því að Bjarni Benediktsson hefði verið í Ásmundarsal í gærkvöldi. Hvorki hefur náðst í Bjarna né aðstoðarmenn hans til að fá þetta staðfest.