Fyrsta fyrirtaka vegna uppboðs á jörðinni Felli í Hornafirði fer fram næstkomandi mánudag. Eystri bakki Jökulsárlóns tilheyrir jörðinni, en um er að ræða mjög vinsælan áfangastað ferðamanna. Á mánudaginn verður ákveðið hvenær uppboðið sjálft hefst, en líklegt er talið að það verði í sumar eða með haustinu.
Fyrirtakan átti að fara fram í marsbyrjun, en var frestað vegna veðurs. Um 30 aðilar eiga nú hlut í jörðinni og á meðal þeirra er Einar Björn Einarsson, eigandi fyrirtækisins Jökulsárlóns ferðaþjónustu ehf. Í febrúar sagðist Einar í samtali við Viðskiptablaðið vera að leita að aðilum til að fjármagna kaupin á jörðinni, en segist nú vera búinn að tryggja sér fjármögnun fyrir kaupunum.
Nánar er fjallað um málið í Viðskiptablaðinu sem kemur út á morgun. Áskrifendur geta nálgast blaðið hér í fyrramálið. Meðal annars efnis í blaðinu:
- Hærri húsaleigubætur eru tvíeggja sverð, og gætu leitt til hækkunar á leiguverði.
- Áhyggjur þingmanna af auknum einkarestri grunnskóla sögð „óþörf íhaldssemi.“
- Göran Persson segir stjórnmálamenn geta eyðilagt hagkerfið með óæskilegum afskiptum.
- Leikendur og persónur í Al-thani málinu eru flest tengd endurupptökunefnd.
- Grikkir þjóðnýta eignir sveitarfélaga.
- Sértryggðum skuldabréfum er spáð stærra hlutverk.
- Velta í gagnaversiðnaði ætti að tífaldast.
- Týr fjallar um lífeyrisréttindi og starfsöryggi ríkisstarfsmanna, og Huginn & Muninn eru á sínum stað.
- Óðinn fjallar um slitastjórnir.
- Þá eru í blaðinu pistlar, myndir og margt fleira.