Hækkun til heilbrigðismála í nýju fjárlagafrumvarpi fyrir næsta ár nemur ríflega 21 milljarði, barnabætur og frítekjumark aldraðra fá sinn hvor milljarðinn til viðbótar og 5,5 milljarðar fara til mennta-, menningar- og íþróttamála.

Loks fara 3,6 milljarðar til samgöngu- og fjarskiptamála til viðbótar og 1,7 milljarður til umhverfismála. Þetta kemur fram í nýju fjárlagafrumvarpi sem Bjarni Benediktsson fjármálaráðherra hefur kynnt fyrir hönd ríkisstjórnar Katrínar Jakobsdóttur.

Eins og Viðskiptablaðið hefur greint frá minnkar fjárlagaafgangurinn frá fjárlagafrumvarpi ríkisstjórnar Bjarna Benediktssonar um 9 milljarða fyrir árið 2018.