Heildareignir tryggingarfélaganna voru 154,8 milljarðar króna í lok desember sl. og jukust um 2,8 milljarða króna frá fyrri mánuði. Samdráttur var í útlánum og markaðsverðbréfum í mánuðinum um 12,8 milljarða króna og voru þau í desemberlok 56,9 milljarða króna. Kröfur á lánastofnanir jukust um 2,5 milljarða í mánuðinum. Einnig var aukning í sjóði og bankainnstæðum um 1,5 milljarða króna og öðrum eignum um 11,8 milljarða frá mánuðinum áður.