Heildarvelta kreditkorta í ágústmánuði var 23,7 milljarðar króna samanborið við 28,6 milljarða á sama tíma í fyrra og er þetta 17,2 % samdráttur milli ára.
Þá dróst heildarvelta kreditkorta saman um 1,2 % í ágúst miðað við mánuðinn á undan.
Þetta kemur fram í Hagtölum Seðlabankans.
Debetkortavelta var í ágúst 34,7 milljarðar króna og dróst saman um 3,8 % frá fyrri mánuði. Sé heildardebetkortavelta borin saman við sama tíma í fyrra hefur heildardebetkortaveltan dregist saman um 4,2 % milli ára.
