*

laugardagur, 27. nóvember 2021
Innlent 3. febrúar 2015 11:24

Hekla innkallar 445 Pajero bifreiðar

Innkalla þarf 445 Mitsubishi Pajero vegna bilana í tímakeðjustrekkjara.

Ritstjórn
Birgir Ísl. Gunnarsson

Hekla hefur sent Neytendastofu tilkynningu um að innkalla þurfi Mitsubishi Pajero bifreiðar af árgerðinni 2007-2014 með vélartegund 4M41. Þetta kemur fram á vef stofnunarinnar.

Ástæða innköllunar er að bilun í tímakeðjustrekkjara getur valdið því að hann virki ekki sem skyldi og óeðlilegt hljóð komið frá tímakeðju. Í versta falli getur strekkjari brotnað og valdið alvarlegum skemmdum á vél þannig að bíllinn verður ógangfær.

Skipt verður um tímakeðjustrekkjara og búnaður í kringum hann skoðaður og skipt um aðra hluta ef þarf. Umráðamönnum viðkomandi bíla verður sent bréf á næstu vikum.

Stikkorð: Hekla Mitsubishi Pajero