Helgi Magnússon var endurkjörin formaður Samtaka iðnaðarins (SI) á aðalfundi í morgun. Hlaut hann 98,08% greiddra atkvæða, en aðrir hlutu 0,41%, en samtals gáfu átta einstaklingar kost á sér í formannssætið. Auð og ógild atkvæði voru 1,51%.
Fjórir nýir einstaklingar voru kosnir í stjórn SI, en það voru Aðalheiður Héðinsdóttir frá Kaffitári ehf., Loftur Árnason frá Ístaki hf., Tómas Már Sigurðsson frá Alcoa Fjarðarál sf. og Sigurður Bragi Guðmundsson. Fyrir í stjórn SI eru Anna María Jónsdóttir Laugum Spa ehf., Ingvar Kristinsson Landsteinum Streng hf. og Þorsteinn Víglundsson BM Vallá ehf.
Í ráðgjafaráð voru kosnir fjórir einstaklingar, Bolli Árnason í GT Tækni ehf., Hilmar V. Pétursson í CCP hf., Sveinbjörn Hjálmarsson í Umslagi ehf. og Vigfús Kr. Hjartarson í Bakarameistaranum ehf.
Samtök iðnaðarins standa fyrir Iðnþingi 2007 sem haldi er á Grand Hótel undir yfirskriftinni "Farsæld til framtíðar". Í ályktun sem samþykkt var samhljóða segir:
"Hagvöxtur á Íslandi verður í framtíðinni drifinn áfram af fyrirtækjum sem reiða sig á vel menntað starfsfólk, ekki síst á í iðn- og tæknigreinum. Efla verður raungreinakennslu á öllum skólastigum og bæta árangur nemenda.
Mannauð fyrirtækja þarf að efla með öllum ráðum, ekki síst gegnum menntakerfið sem er meginuppspretta þess auðs. Auka verður þátt atvinnulífsins í stjórnun skóla sem sinna þörfum þess fyrir menntaða starfsmenn. Í því felst sameiginlegur ávinningur stjórnvalda, atvinnulífs, skóla og nemenda og þess vegna koma Samtök iðnaðarins að rekstri skóla. Það er fagnaðarefni að menntamálaráðherra ætlar að leggja hönd á plóg við sameiningu Iðnskólans í Reykjavík og Fjöltækniskólans. Samtök iðnaðarins sýna vilja sinn í verki og hafa ákveðið að verja verulegum fjárhæðum til þessa málaflokks.
Íslensk viðskiptabankaþjónusta einkennist af fákeppni. Vaxtamunur, há lántökugjöld og uppgreiðslugjöld eru skýr merki um það. Viðskiptavinir bankanna geta ekki óhindrað flutt viðskipti sín til þeirra sem bjóða bestu kjörin. Ein ástæða þess er stimpilgjaldið en það dregur verulega úr samkeppni.
Stimpilgjaldið hefur æ minna gildi sem tekjustofn fyrir ríkissjóð en skaðsemi gjaldsins fer vaxandi. Til að ýta undir heilbrigða samkeppni bankanna og tryggja betur samkeppnishæfni íslensks atvinnulífs er nauðsynlegt að afnema stimpilgjaldið.
Skapa verður sátt um skynsamlega nýtingu náttúruauðlinda og ná jafnvægi milli verndar og nýtingar. Of langt er að bíða til ársins 2010 eftir nýtingar- og verndaráætlun, eyða þarf óvissu sem nú ríkir bæði um verndun landsvæða og stöðu þeirra sem hyggja á nýtingu auðlinda. Þær ber m.a. að nýta til þess að skapa störf og útflutningsverðmæti. Gæta verður sanngirni gagnvart fyrirtækjum sem þegar eru starfandi.
Eðlilegt er að stjórnvöld setji reglur og ramma um nýtingu auðlinda en fyrirtæki í einkaeigu nýti en greiði fyrir. Auðlindagjald renni í sjóð m.a. til eflingar rannsókna og nýsköpunar í atvinnulífinu.
Samtök iðnaðarins krefjast þess að Alþingi sem kjörið verður í vor og næsta ríkisstjórn taki aðild Íslands að Evrópusambandinu til alvarlegrar skoðunar og komist að niðurstöðu á kjörtímabilinu. Ná þarf sem víðtækastri samstöðu meðal stjórnmálaflokka, samtaka atvinnurekenda og launþega um stefnu þjóðarinnar í Evrópumálum."
Fjórir nýir einstaklingar voru kosnir í stjórn SI, en það voru Aðalheiður Héðinsdóttir frá Kaffitári ehf., Loftur Árnason frá Ístaki hf., Tómas Már Sigurðsson frá Alcoa Fjarðarál sf. og Sigurður Bragi Guðmundsson. Fyrir í stjórn SI eru Anna María Jónsdóttir Laugum Spa ehf., Ingvar Kristinsson Landsteinum Streng hf. og Þorsteinn Víglundsson BM Vallá ehf.
Í ráðgjafaráð voru kosnir fjórir einstaklingar, Bolli Árnason í GT Tækni ehf., Hilmar V. Pétursson í CCP hf., Sveinbjörn Hjálmarsson í Umslagi ehf. og Vigfús Kr. Hjartarson í Bakarameistaranum ehf.
Samtök iðnaðarins standa fyrir Iðnþingi 2007 sem haldi er á Grand Hótel undir yfirskriftinni "Farsæld til framtíðar". Í ályktun sem samþykkt var samhljóða segir:
"Hagvöxtur á Íslandi verður í framtíðinni drifinn áfram af fyrirtækjum sem reiða sig á vel menntað starfsfólk, ekki síst á í iðn- og tæknigreinum. Efla verður raungreinakennslu á öllum skólastigum og bæta árangur nemenda.
Mannauð fyrirtækja þarf að efla með öllum ráðum, ekki síst gegnum menntakerfið sem er meginuppspretta þess auðs. Auka verður þátt atvinnulífsins í stjórnun skóla sem sinna þörfum þess fyrir menntaða starfsmenn. Í því felst sameiginlegur ávinningur stjórnvalda, atvinnulífs, skóla og nemenda og þess vegna koma Samtök iðnaðarins að rekstri skóla. Það er fagnaðarefni að menntamálaráðherra ætlar að leggja hönd á plóg við sameiningu Iðnskólans í Reykjavík og Fjöltækniskólans. Samtök iðnaðarins sýna vilja sinn í verki og hafa ákveðið að verja verulegum fjárhæðum til þessa málaflokks.
Íslensk viðskiptabankaþjónusta einkennist af fákeppni. Vaxtamunur, há lántökugjöld og uppgreiðslugjöld eru skýr merki um það. Viðskiptavinir bankanna geta ekki óhindrað flutt viðskipti sín til þeirra sem bjóða bestu kjörin. Ein ástæða þess er stimpilgjaldið en það dregur verulega úr samkeppni.
Stimpilgjaldið hefur æ minna gildi sem tekjustofn fyrir ríkissjóð en skaðsemi gjaldsins fer vaxandi. Til að ýta undir heilbrigða samkeppni bankanna og tryggja betur samkeppnishæfni íslensks atvinnulífs er nauðsynlegt að afnema stimpilgjaldið.
Skapa verður sátt um skynsamlega nýtingu náttúruauðlinda og ná jafnvægi milli verndar og nýtingar. Of langt er að bíða til ársins 2010 eftir nýtingar- og verndaráætlun, eyða þarf óvissu sem nú ríkir bæði um verndun landsvæða og stöðu þeirra sem hyggja á nýtingu auðlinda. Þær ber m.a. að nýta til þess að skapa störf og útflutningsverðmæti. Gæta verður sanngirni gagnvart fyrirtækjum sem þegar eru starfandi.
Eðlilegt er að stjórnvöld setji reglur og ramma um nýtingu auðlinda en fyrirtæki í einkaeigu nýti en greiði fyrir. Auðlindagjald renni í sjóð m.a. til eflingar rannsókna og nýsköpunar í atvinnulífinu.
Samtök iðnaðarins krefjast þess að Alþingi sem kjörið verður í vor og næsta ríkisstjórn taki aðild Íslands að Evrópusambandinu til alvarlegrar skoðunar og komist að niðurstöðu á kjörtímabilinu. Ná þarf sem víðtækastri samstöðu meðal stjórnmálaflokka, samtaka atvinnurekenda og launþega um stefnu þjóðarinnar í Evrópumálum."
