*

þriðjudagur, 23. júlí 2019
Fólk 5. júlí 2019 10:01

Helgi ráðinn yfirlögfræðingur

Landsvirkjun hefur ráðið Helga Jóhannsson frá Lex lögmannstofu, en hann var áður í stjórn fyrirtækisins.

Ritstjórn
Helgi Jóhannesson nýr yfirlögfræðingur Landsvirkjunar sat í stjórn félagsins á árunum 2014 til 2017.
Aðsend mynd

Helgi Jóhannesson lögmaður hefur verið ráðinn yfirlögfræðingur Landsvirkjunar, en hann hefur verið einn af eigendum LEX lögmannsstofu um árabil.

Hann var stjórnarmaður í Landsvirkjun á árunum 2014-2017. Auk kandídatsprófs í lögum frá Háskóla Íslands og réttinda til málflutnings fyrir héraðsdómi og Hæstarétti er Helgi með LL.M (Master of Law) gráðu frá lagadeild Háskólans í Miami.

Helgi hefur verið stjórnarmaður og formaður Lögfræðingafélags Íslands og Lögmannafélags Íslands, auk þess að hafa verið stundakennari í viðskiptalögfræði við viðskiptadeild Háskólans í Reykjavík. Helgi hefur mikinn áhuga á útivist og er í stjórn Ferðafélags Íslands.

Helgi er þriggja barna faðir. Sambýliskona hans er Þórný Jónsdóttir markaðsfræðingur.