Donald J. Trump, forseti Bandaríkjanna, skrifaði í dag undir forsetatilskipun sem kveður á um að hægt verði að beita fyrirtæki sem stunda viðskipti við Norður-Kóreumenn viðskiptaþvingunum. Kínverskir bankar verða líklega fyrir barðinu á þvingunum — en í kjölfarið verður erfiðara fyrir Norður-Kóreu að fjármagna sig. Trump tók einnig fram að Seðlabanki Kína hafi bannað öllum kínverskum bönkum að stunda viðskipti við Norður-Kóreu.
Fyrir tæplega tveimur vikum síðan, voru refsiaðgerðir á hendur Norður-Kóreu þyngdar á vettvangi Sameinuðu þjóðanna, vegna kjarnorkutilrauna Norður-Kóreumanna. Mikil spenna hefur ríkt á alþjóðasviðinu vegna tilraunanna, og hafa valdamestu ríki heims þrýst á Norður-Kóreu að hætta við tilraunir sínar með kjarnorku.
Þegar Trump greindi frá nýju forsetatilskipuninni í dag sagði hann að aðgerðirnar miðuðu að því að „skerða möguleika Norður-Kóreu á að fjármagna hættulegasta vopn sem að mannkynið hefur nokkurn tímann kynnst“. Á þriðjudag lofaði forsetinn að „gjöreyða“ Norður-Kóreu ef að ríkið myndi ógna Bandaríkjunum og samstarfsríkjum, á vettvangi Sameinuðu þjóðanna. Í kjölfarið líkti utanríkisráðherra Norður-Kóreu ummælum Trump við „hundsgelt“.
Trump to add North Korea sanctions, allies call for strict enforcement https://t.co/q2DT9Qune9
— Reuters Top News (@Reuters) September 21, 2017
President Trump announces new sanctions on individuals and firms, including banks, that trade with North Korea. https://t.co/tWvWx3x4DM
— BBC Breaking News (@BBCBreaking) September 21, 2017
HAPPENING NOW: Pres. Trump attends luncheon with leaders of Japan and South Korea and is expected to announce sanctions on N. Korea pic.twitter.com/KpvqkLClQs
— CBS News (@CBSNews) September 21, 2017