Reiknistofa bankanna hf hefur ráðið Herdísi Pálu Pálsdóttur í starf framkvæmdastjóra mannauðsmála og samskipta. Herdís Pála hóf störf hjá félaginu 1. nóvember síðastliðinn.
Herdís hefur frá 2012 unnið sem fyrirlesari, ráðgjafi og markþjálfi fyrir stjórnendur auk þess að kenna í Háskóla Íslands og Háskólanum í Reykjavík.
Á árunum 2006-2012 starfaði hún hjá Byr, fyrst sem mannauðsstjóri en síðar sem framkvæmdastjóri þróunar- og rekstrarsviðs. Áður starfaði hún í tæp 5 ár á mannauðssviði Íslandsbanka, síðast sem deildarstjóri starfsþróunardeildar og einnig við mannauðsráðgjöf hjá IMG nú Capacent.
Herdís er með með MBA próf, með áherslu á mannauðsstjórnun, frá University of New Haven í Bandaríkjunum og B.Ed. frá Kennaraháskóla Íslands. Hún hefur einnig lokið námi á háskólastigi í markþjálfun frá HR í samstarfi við Coach U og er með alþjóðlega ACC vottun markþjálfa frá ICF (International Coaching Federation).