Herdís Dröfn Fjeldsted hefur verið ráðin framkvæmdastjóri Framtakssjóðs Íslands (FSÍ). Hún tekur við starfinu af Brynjólfi Bjarnasyni 1. apríl næstkomandi. Herdís hefur verið fjárfestingastjóri hjá FSÍ frá árinu 2010
Fram kemur í tilkynningu frá Framtakssjóðnum að Herdís er með meistarapróf í fjármálum fyrirtækja frá Háskólanum í Reykjavík og viðskiptafræðipróf af alþjóðamarkaðssviði. Hún hefur setið í stjórnum fjölmargra fyrirtækja m.a. sem stjórnarformaður Icelandic, varaformaður stjórnar Promens í stjórn Icelandair Group og Invent Farma.
