Lögfræðiskrifstofan Embla lögmenn styrkti framboð þingmannsins Magnúsar Orra Schram um 400 þúsund krónur vegna prófkjörs hans í Samfylkingunni í nóvember í fyrra.
Herdís Hallmarsdóttir, kona Magnúsar, situr í slitastjórn Landsbankans. Hún stofnaði lögmannsstofuna árið 2004 og er einn eigenda hennar. Framlög til prófkjörs Magnúsar námu 725.475 krónum og voru þetta hæstu framlögin í prófkjöri flokksins. Magnús lagði sjálfur 125 þúsund krónur til framboðsins og námu bein framlög frá einstaklingum 200 þúsund krónum. Eitt framlag barst frá lögaðila og var það frá Emblu lögmönnum.
Þetta er á meðal þess sem fram kemur í upplýsingum frá sjö einstaklingum sem hafa skilað inn upplýsingum til Ríkisendurskoðunar um uppgjör sín í prófkjörum Samfylkingarinnar í fyrra. Fram kemur í gögnunum að framlög í prófkjörum þeirra námu samtals 4,2 milljónum króna.
UPPLÝSINGAR RÍKISENDURSKOÐUNAR Í HEILD - Nafn og samtals framlög:
Árni Páll Árnason, formaður Samfylkingarinnar – 771.250
Eigin framlög: 0
Bein framlög frá níu einstaklingum: 400.000
Bein framlög frá lögaðilum (TK bílar, Bláa lónið og Blómasmiðjan): 330.000
Katrín Júlíusdóttir, fjármála- og efnahagsráðherra og varaformaður Samfylkingarinnar – 711.050
Eigin framlög: 193.550
Bein framlög frá sjö einstaklingum: 470.500
Bein framlög frá lögaðilum (Útilegukortið og Kerecis): 47.000
Magnús Orri Schram – 725.475
Eigin framlög: 64.513
Bein framlög frá einstaklingum: 200.000
Bein framlög frá lögaðilum (Embla lögmenn): 400.000
Skúli Helgason – 408.513
Eigin framlög: 64.513
Bein framlög frá einstaklingum: 344.000
Bein framlög frá lögaðilum: 0
Mörður Árnason – 488.859
Eigin framlög: 488.859
Bein framlög frá einstaklingum: 0
Bein framlög frá lögaðilum: 0
Anna Margrét Guðjónsdóttir – 424.621
Eigin framlög: 199.621
Bein framlög frá sjö einstaklingum: 255.000
Bein framlög frá lögaðilum: 0
Erna Indriðadóttir – 673.782
Eigin framlög: 548.782
Bein framlög frá tveimur einstaklingum: 125.000
Bein framlög frá lögaðilum: 0