*

sunnudagur, 17. nóvember 2019
Fólk 14. október 2019 15:09

Hildur frá Brimi til SFS

Hildur Hauksdóttir hefur verið ráðin til Samtaka fyrirtækja í sjávarútvegi sem sérfræðingur í umhverfismálum.

Ritstjórn
Aðsend mynd

Hildur Hauksdóttir hefur verið ráðin til Samtaka fyrirtækja í sjávarútvegi sem sérfræðingur í umhverfismálum. Hildur er með BSc gráðu í rekstrarverkfræði frá Háskólanum í Reykjavík og MBA gráðu með sérhæfingu í umhverfis- og samfélagsábyrgð frá Griffith University í Brisbane í Ástralíu. Greint er frá þessu á vef SFS.

„Verkefni tengd umhverfismálum í víðu samhengi eru sífellt að verða fyrirferðarmeiri í störfum SFS. Þörf er á stefnumörkun samtakanna í umhverfismálum og frumkvæði í samtali við bæði félagsmenn, stjórnvöld og samfélagið. Hildur þekkir vel til sjávarútvegs og umhverfismála, en hún hefur undanfarin þrjú ár unnið að umhverfis- og markaðstengdum verkefnum hjá Brim (áður HB Granda) og stjórnaði meðal annars vinnu við gerð samfélagsskýrslu félagsins,“ segir jafnframt í fréttatilkynningunni.

Stikkorð: Brim Hildur Hauksdóttir SFS