Hildur María Jósteinsdóttir hefur tekið við störfum sem útibússtjóri í útibúi Landsbankans í Mjódd í Breiðholti. Frá þessu er greint í fréttatilkynningu.
Hildur María hóf störf hjá Landsbankanum árið 2006, fyrst sem gjaldkeri og síðar þjónustufulltrúi og sérfræðingur í einstaklingsviðskiptum. Hún hefur verið staðgengill útibússtjóra Landsbankans í Borgartúni frá 2014. Hildur María hefur hlotið vottun sem fjármálaráðgjafi.
