Hlutabréf hækkuðu í Evrópu í dag og voru það helst bankar og fjármálafyrirtæki sem leiddu hækkanir dagsins að sögn Reuters fréttastofunnar.
Þannig hækkaði BNP Paribas um 4,3%, Credit Agricole um tæp 4% og Royal Bank of Scotland um 5,6 svo dæmi séu tekin.
FTSEurofirst 300 vísitalan hækkaði um 0,9% en hafði um tíma í dag hækkað um rúmt prósent.
Í Lundúnum hækkaði FTSE 100 vísitalan um 0,3%, í Amsterdam hækkaði AEX vísitalan um 0,6% og í Frankfurt hækkaði DAX vísitalan um 1,5%.
Í París hækkaði CAC 40 vísitalan um 1,5% og í Sviss hækkaði SMI vísitalan um 1%.
Í Kaupmannahöfn hækkaði OMXC vísitalan um 0,4%, í Stokkhólmi hækkaði OMXS vísitalan um 1,5% en í Osló lækkaði OBX vísitalan hins vegar um 3,3% og hefur að sögn Reuters ekki lækkað jafn mikið á einum degi í tæpt ár.
