Miðengi, eignarhaldsfélag Íslandsbanka, hefur sett Hlíðarsmára 3 ehf. í opið söluferli. Hlíðarsmári 3 er fimm hæða verslunar- og skrifstofuhúsnæði í Kópavogi. Húsnæðið er í útleigu.
Í tilkynningu segir að söluferlið sé opið öllum áhugasömum fjárfestum sem uppfylla skilyrði til þess að geta talist fagfjárfestar. Móttaka trúnaðaryfirlýsinga og afhending gagna hefst mánudaginn 14. nóvember nk. Frestur til að skila inn tilboði rennur út föstudaginn 25. nóvember.
