Hlutabréf hækkuðu í Asíu í dag og þau hafa einnig hækkað í fyrstu viðskiptum í Evrópu. Hækkunin í Asíu nam 1,7% samkvæmt DJ Asia-Pacific-vísitölunni. Í Tókíó hækkaði Nikkei um 1%, í Hong Kong hækkaði Hang Seng um 0,8% og í Sjanghæ hækkaði DJ Shanghai um 0,4%. Í Ástralíu nam hækkunin hins vegar um 4%.
Hækkunin í Evrópu í morgun nemur 0,4% samkvæmt Euronext 100 og hækka hlutabréf á flestum mörkuðum álfunnar. Hækkunin í Asíu og Evrópu kemur í kjölfar um 5% hækkunar hlutabréfa í Bandaríkjunum í gær.
