Hlutabréf hækkuðu í Evrópu í dag og hækkaði FTSEurofirst 300 vísitalan um 1,1%. Vístalan hefur hækkað um 0,4% í þessari viku og 5,4% í apríl sem er besti mánuður frá október 2003.

Það voru fyrst og fremst tæknifyrirtæki sem leiddu hækkanir dagsins en þar var Ericsson fremst í flokki sem hækkaði um 16,6%.

Í Lundúnum hækkaði FTSE 100 vísitalan um 0,7% á meðan DAX vísitalan í Frankfurt hækkaði um 1,1%. Þá hækkaði AEX vísitalan í Amsterdam um 0,4% og CAC 40 vísitalan í París um 1%.

Í Kaupmannahöfn og í Osló hækkuðu OMXC vísitalan og OBX vísitalan um 1,3%.