Hlutabréf lækkuðu í Asíu í dag og hafa ekki verið lægri í 3 mánuði að sögn Bloomberg fréttaveitunnar en síhækkandi olíuverð og sögusagnir um auknar afskriftir fjármálafyrirtækja eru talin helsta ástæða lækkunarinnar.
MSCI Kyrrahafsvísitalan lækkaði um 1% og hefur ekki verið lægri frá því í lok mars.
Í Japan lækkaði Nikkei vísitalan um 0,6%, í Hong Kong lækkaði Hang Seng vísitalan um 0,1% og í Singapúr lækkaði Straits vísitalan um 0,8%.
Þá lækkaði CSI 300 vísitalan í Kína um 0,6% og í Ástralíu lækkaði S&P 200 um 0,1%.
