Hlutabréf í Hampiðjunni lækkuðu um 2,99% á First North markaðnum í dag en félagið fer ekki á aðalmarkað fyrr en á föstudaginn. Síðasta söluverð var 130 krónur.
Hlutabréf í Marel, Kviku, Reitum, Eik og Brim lækkuðu öll um tæplega tvö prósent í kauphöllinni í dag. Reitir fasteignafélag lækkaði um 1,92%, Eik fasteignafélag um 1,89%, Kvika fór niður um 1,87% og Brim um 1,72%.
Marel hélt áfram að lækka og hefur hlutabréfa virði félagsins lækkað um 28,08% á einu ári.
Solid Clouds og Play hækkuðu mest í dag en Solid Clouds hækkaði um 4,35%. Flugfélagið Play birti farþegatölur maímánaðar í morgun og tók kipp í kjölfarið. Hlutabréf í félaginu fóru hæst í 10,4 krónur en dagslokagengið var 10,1 krónur.
Dagsbreyting hjá Play endaði í 4,12% eftir að hafa hækkað um 7% við opnun markaðar.
Heildarvelta á markaði var um tveir milljarðar króna í 233 viðskiptum.