Hækkandi olíuverð og veikari gjaldmiðlar á svæðinu hjálpuðu til við að ýta gengi hlutabréfa í Asíu og nágrenni upp á við í nótt. Nikkei vísitalan í Japan hækkaði mest.
Vegna áætlana OPEC og bandalagsríkja þess um framleiðslutakmarkanir og hækkunar á gengi hlutabréfa í Bandaríkjunum virðist bjartsýni vera að aukast. Jafnframt sagði Alex Furber þjónustuaðili hjá CMC Markets að markaðsaðilar séu bjartsýnni á framtíðina nú þegar líkur virðast vera að minnka að Trump geti unnið forsetakosningarnar í Bandaríkjunum.
Í gær náði hráolíuverð sínu hæsta í gildi í heilt ár, í kjölfar yfirlýsinga Vladimir Putin Rússlandsforseta um að landið myndi styðja við aðgerðir OPEC um að draga úr heildarframboði olíu.
Í Kína hafði áhrif til lækkunar að hlutabréf í fasteignum og skyldum greinum tók stökk niður á við, en sterkari Bandaríkjadalur hafði áhrif til hækkunar á asíumörkuðum enda vörur svæðisins þeim mun samkeppnishæfari fyrir vikið.
Breytingar á helstu vísitölum svæðisins:
- Nikkei vísitalan í Japan hækkaði um 0,98%
- Kospi vísitalan í Suður Kóreu lækkaði um 1,21%
- Taiwan Weigthed vísitalan lækkaði um 0,50%
- Hang Seng vísitalan í Hong Kong lækkaði um 1,54%
- Dow Jones Shanghai vísitalan hækkaði um 0,55%
-
FTSE China A50 vísitalan hækkaði um 0,16%