Hlutbréfavísitala OMXI8 lækkaði í viðskiptum í Kauphöllinni í dag um 0,9% í viðskiptum fyrir ríflega 1.835 milljónir króna. Nær helmingur viðskiptanna voru með hlutabréf Marels eða fyrir 823 milljónir króna en verð bréfanna lækkaði um 1,1%. Mest hækkuðu bréf Origo eða um 1,25% í viðskiptum fyrir aðeins 9 milljónir króna.
Mest lækkuðu bréf í Festi eða um 2,18% í viðskiptum fyrir 113 milljónir króna. Bréf Regins lækkuðu um 1,4% í 135 milljón króna viðskiptum. Alls hækkuðu bréf fjögurra félaga í dag, auk Origo, þ.e. Heimavalla, Sjóvá, Vátryggingafélags Íslands og Haga.
